舒淇七餸一湯餵飽壽星老公　馮德倫晒Sweet爆蜜照

上個月飛到台灣見老婆舒淇嘅馮德倫，日前同家人加上林熙蕾及林心如兩對夫婦去到宜蘭度假兼慶祝生日！

尋日就係馮德倫46歲生日，舒淇為老公準備咗大餐，七餸一湯，白飯任裝，仲有台灣人過生日必食嘅豬腳麵線，寓意添福添壽！當然仲有生日蛋糕啦，個蛋糕仲好精緻，有個馮德倫公仔，有套鼓加埋個寫上「最帥導演」嘅電影拍板！

雖然舒淇只係晒出老公獨照，但馮德倫就激罕放閃，上載兩人Sweet爆合照，網民都留言祝佢生日快樂！