熱到有幻覺　沈殷怡拍煮食節目玩到出動泳衣

ViuTV「咪神」沈殷怡（Shirley）參與《辣伙頭‧開火》電視節目，原本煮嘢食，喺有冷氣地方都算舒服，點知今次突然轉咗去外景，仲要喺烈日當空，曬到暈，佢惟有出動泳衣令自己涼快啲，同時又可以向大家派冰淇淋，豪晒靚body。

佢喺社交網上載咗一張泳衣相，大騷美好身材，但其實大呻拍外景好辛苦，佢留言：「我呢個辣伙頭，真係畀個天辣着啦，30幾40度，無遮無掩烈日當空下煮嘢食，想攞個鑊鏟都因為熱到出現幻覺撲空，每一個辣伙頭拍攝完都黑了2-3度，導演撰稿拍攝收音人員都曬成一個個紅色的燒豬，我要正式宣布，我愛廠景。」佢仲話出外景喺玩命拍，叫大家要支持。