嫁女片流出!鍾鎮濤爆喊睥女婿 真相竟然係咁…

2020年08月11日 10:58
東網電視
更多新聞短片
嫁女實感動啦!
現年67歲的歌手鍾鎮濤(阿B)嫁女喇!育有一子三女嘅阿B早就係人生大贏家,點知近日網上就有一段「鍾鎮濤嫁女片」流出,指係阿B出席「大女」婚禮當晚,阿B將「愛女」手仔交付畀「女婿」手,又見到三女鍾幗現身撐「家姐」,之後阿B忍唔住即場爆喊,又用手掩面,表現非常不捨!
大陸唔少媒體都紛紛轉載片段,更有大批網友大讚阿B係好爸爸,依家仲Keep得咁好,又笑指阿B交付愛女一幕睥爆「女婿」,係咁嗌「女婿」千祈唔好辜負阿B「大女」添!
不過東網記者翻查資料,原來成段片都係出自2013年歌手黃小琥《放心不下》歌曲MV,一切都只係戲劇效果,片中大女同女婿都只係演員。當時阿B接受傳媒訪問時直言,自己都有真情流露,一諗到將來囡囡出嫁都會好唔捨得,不過難得網友依家咁真心真意祝賀阿B,唔知阿B幾時做真.外父,等一班觀眾再祝賀佢多次呢?