身材好惹嫉妒？G奶台妹挑機做美人魚遭胸襲

相信唔少人都幻想過自己係一條美人魚，可以扮到好靚咁喺水中咁暢游，感受一下海洋美麗嘅景色，去一啲水底你未去過，又想去嘅地方見識吓！但喺現實中要做到好似美人魚咁，的確唔容易，早前藝人蕊蕊就開咗間美人魚泳術學校，教人做美人魚，原來喺台灣都有人魚課，教大家點樣可以游到十足人魚咁靚，擁有無敵G奶嘅台灣藝人「熊熊」卓毓彤都有去上堂，實行挑機做最索美人魚咁話，佢仲拍片教大家點樣可以游到好似美人魚咁靚，睇到着上噴血比堅尼嘅佢，大晒驕人Big爆上圍，唔知係咪身材太「凸」出嘅關係，佢潛落水底練習嗰陣，仲畀身邊啲同學仔，唔知係有心定無意咁「胸」襲佢囉，唔通身材太好真係會惹人嫉妒？

其實唔少出名樣靚身材正嘅女星都扮過美人魚，好似當年拍《人魚傳說》上位嘅鍾麗緹，林允演過嘅《美人魚》等，都令人印象深，而內地女星迪麗熱巴同柳岩，就曾經因為出活動嗰陣，着到好似美人魚咁靚，而畀網民P圖化身成美人魚添！