【繽FUN主播室】唐詩詠自爆拍到虛脫　見到呢個男人即笑

最近天氣炎熱，企喺條街一陣都已經流晒汗，更何況仲要喺街頭工作，真係分分鐘好容易中暑添！好似藝人唐詩詠近日為無綫新劇《超能使者》開工，喺天氣酷熱下工作令到體力透支，仲話之前睇中醫更被診斷出血壓低，果然係演員唔易做。雖然拍攝辛苦，但詩詠依然拍得好開心，今日仲上載同一個男人嘅拍攝花絮照，見佢笑得勁冧添！

女子組合Super Girls隊長趙慧珊（Aka），早前被狗咬傷，要緊急入院縫9針，差啲毀容，獲唔少粉絲都大呼好心痛，但Aka依然好堅強叫大家唔使擔心佢，呢日佢仲拍片換上唔同妝容造型，想知係點？即刻收睇《繽FUN主播室》！