吳若希晒唯美巨肚寫真　原來鍾嘉欣係「偶像」！

現正懷有第二胎嘅歌手吳若希（Jinny），昨晚於社交網晒出老公何兆鴻（Alex）嘅「見肚」相，笑指老公肚腩比自己嘅孕肚更大，呢日就輪到Jinny晒肚，佢上載一張大肚孕照，見佢以露臍裝上陣，雙手輕撫孕肚，臉上流露出幸福笑容，畫面溫馨。唔少圈中好友，好似鍾嘉欣、楊潮凱都大讚佢係靚媽，Jinny即表示視鍾嘉欣為榜樣，又指希望出名影相叻嘅楊潮凱可以開「人夫攝影班」：「大師！可唔可以開辦教人夫影相？我保證我夫君大人一定會係list入面。」