扶助弱勢社群　何珮瑜移居雲南吸靈氣

藝人何珮瑜（Jeana）當初以性感形象入行，隨着簽約英皇後，希望以實力取悅觀眾，近期已「封胸」，加上疫情效應，令她決定潛修禮佛：「冇出街就喺屋企睇好多佛教書籍，依家開始食全素，都明白以後朋友聚會或者旅行，都會帶嚟少少唔方便，但咁多天災人禍令我明白，唔好因一己私欲去殺生﹗」

Jeana坦言人生觀有所改變：「唔想好似隻驢咁，營營役役唔知為乜，想追求心靈上嘅富足多啲。依家我都有上網follow一啲智者，佢哋會幫山區老人同小朋友謀福利，唔單止捐錢咁簡單，會落手落腳幫佢哋改善生活，呢啲針對性嘅幫助，我覺得好有意義。」她正考慮搬離香港﹕「有工作先返嚟囉，諗緊想去雲南或者老家北京，住高山親近多啲大自然。」