淡妝去蒲　迪麗熱巴祝緒丹晒姊妹情

內地流量小花迪麗熱巴係萬千宅男的女神，原來女神喺鏡頭後都係凡人一名，都鍾意約好姊妹去主題樂園又玩又食。

日前，迪麗熱巴孖同一經理人公司嘅「最美周芷若」祝緒丹去蒲，佢喺社交網晒遊園相，兩位美女只係化淡妝，着貼地便服，但仍然靚爆鏡，喺機動遊戲區玩完一輪後，又去咗園內嘅餐廳「食好嘢」，點咗各式美食，仲喺堆毛公仔前面喪擺甫士、舉高雙手晒V扮萌。

大明星出巡，好多遊客見到兩位美人嘅表情都好有趣，十分錯愕，有網民就對佢哋關係好奇怪，話其實佢哋兩個喺公開活動度都唔係表現得Friend，又冇乜合作過嘅戲，但原來佢哋嘅友誼係好到可以一齊玩到咁開心。