後悔到想自殘！周家怡拒絕周潤發跑步要求

周家怡日前為彭秀慧主持的香港開電視節目《自煮女人最漂亮》做嘉賓，試煮豆腐煎蛋餅。期間她自爆過往生活不健康，嗜酒又愛晚睡，但隨着年紀長大，如今早睡之餘，更會跑步及茹素：「依家嘅我，會5點鐘起身去跑步。」她透露有次跑步遇見周潤發，竟請對方「食檸檬」，她謂：「我有一次跑步見到發哥，佢問我有冇興趣一齊跑，但我同佢講我跑唔嚟，之後有好多人十分羨慕我可以同佢一齊跑步，我返到屋企真係想搵3把刀插自己，我何得何能拒絕周潤發。發哥真係好正，係位超級正能量嘅人。」

茹素關隻鴨事！

提到茹素的習慣，她笑言因為一隻鴨而開始：「睇到一條好有趣嘅片段，講述有人喺後院飼養一隻鴨，拋拖鞋出去，鴨子呱呱叫將拖鞋執返嚟，我覺得動物好有靈性，由嗰時開始轉變茹素。」