汪小菲被寸偏心誇張　網民洗版寸爆唔記得有個仔

台灣女星大S（徐熙媛）與汪小菲婚後先後育有一女汪希玥及一子汪希箖，而最近汪小菲因為要獨自返大陸工作，與妻女相隔兩地！掛女掛到傻嘅佢，尋日凌晨忍唔住喺社交網大呻，又話：「不知道再見時，你是不是都長大了，爸爸很想你，昨晚還夢見你一直叫我爸爸！」更上載幾張女兒嘅相，之後又上載當年婚照！

點知就惹來網民洗版式抨擊，事隔一晚都唔放過佢，話佢唔記得自己仲有個仔，「弟弟又要和媽媽哭了」、「閨女是真愛，兒子是意外」、「是不是忘了你還有個兒子」、「還有人叫你爸爸，只不過你沒夢到」、「你為人真夠誇張的，幾個月能長多大啊」，不過都有人為佢講好說話，話女兒係爸爸前世情人啫！

其實之前汪小菲又被批評太偏心女兒，曾畀伊能靜老公秦昊踢爆寵女鬧仔經過！汪小菲一見到女兒就抱住話：「親一親，寶貝兒，想我了嗎？」但仔仔叫佢「拔拔」時，汪小菲立刻兇個仔：「叫甚麼『拔拔』，給我好好說話，爸，那叫爸！」嚇到囝囝差啲喊，大S都忍唔住鬧汪小菲：「你幹嘛你，幹嘛這麼跟兒子這麼說話，你怎麼了，你瘋了你！」