無綫有確診+大腿現紅疹!江嘉敏急入院做測試

20200814
東網電視
更多新聞短片
真係咪話唔嚇餐飽呀!
早前有指出現紅疹係新冠肺炎病徵之一,加上無綫之前有幕後工作人員確診,嚇得大腿出現紅疹嘅江嘉敏,立即入醫院做測試!
佢喺社交網上載咗張紅疹相,透露:「拍完出浴戲當晚,大腿上面即刻出咗紅疹,嚇到我馬上停晒手上所有工作,留咗喺屋企,直到報告出嚟!」幸好測試結果係陰性,令佢終於鬆一口氣,仲開心到素顏落街食咗個飯加晒跌膊相報喜:「希望大家平平安安健健康康!都希望隻腳腳都快啲好番啦,係呀我又素顏去嚇人,唔出聲都呃到人系列。」
不過因為人手不足,政府呼籲如非出現新冠肺炎病徵,或與確診者有親密接觸,都避免做測試否則會加重醫護負擔。江嘉敏都補充話:「其實如果唔係緊密接觸者,或者冇病徵嘅人,真係唔使去check住,因為醫護人手不足,加上個test數量又唔係多,只要我哋多注重衞生,勤力洗手消毒,其實已經足夠。」