【凍齡學生妹】湯怡零缺點代表 網民激讚:撼贏唐詩詠

2020年08月14日 15:34
東網電視
更多新聞短片
你揀邊個?
現年32歲湯怡2006年參加《美女廚房》美少女廚神被發掘,2007年客串無綫劇《寫意人生》!相隔13年重返無綫,拍攝《反黑路人甲》升呢女主角,劇中其四眼斯文造型即時獲宅男封為新一代眼鏡娘,索過唔少花旦咁話呀!
而喺尋日嗰集,湯怡大玩制服誘惑,着上校服出場令觀眾睇到眼定定,大讚毫無違和感!其實當年喺《寫意》中,湯怡就曾紮鬢辮扮演學生妹,對比番依家嘅佢,除咗年齡上有改變,身材愈嚟愈Fit,樣貌冇變過,仲係咁清純!
鏡前破格演出大受歡迎,鏡後佢一樣得人愛,唔只睇得仲好煮得,疫情下佢就大獻身手化身整蛋糕又整包,隔住個Mon都覺得甜呀!佢仲着上吊帶衫化身索爆廚娘,大騷玉背同腹肌,睇到網民流晒口水!
又不時喺社交網大晒健康性感照,笑容又甜美,好Girlfriendable,成個Package都咁掂,唔少網民都話佢撼贏有「絕世好女友」之稱嘅唐詩詠,好想做佢男朋友咁話呀!
講起愛情,湯怡入行以來最為人熟識嘅就係同洪卓立有段長達11年嘅戀情,好可惜兩人喺2018年11日宣布分手,網民都話洪卓立走寶,不過湯怡自爆兩人不時相約見面,對於會否復合就「Never say never」,唔知最終邊個會飲到呢碗靚湯呢?