【法國避疫】李美慧出海玩空中降傘　囡囡活潑愛跳舞

藝人李美慧自從與富商曾文豪結婚後，一直過着少奶奶生活，一家人於法國豪宅居住，二人嘅女兒Penelope現時還未夠兩歲，生得愈來愈可愛。現時法國嘅新冠肺炎疫情仍然嚴重，幸而美慧嘅屋企夠晒大，就算唔使出街，囡囡Penelope都有足夠嘅地方玩，只見佢家中嘅大花園扮粉紅仙子跳舞，相當活潑又可愛。

囡囡愛跳舞，咁美慧又鍾意玩乜呢？梗係坐住自己架遊艇出海潛水同玩刺激嘅空中降傘啦！而佢嘅玩伴就係屋企外籍工人嘅女兒，只見佢哋由教練綁上安全帶，之後美慧就叫工人女兒捉住安全帶，然後兩個就嗌住起飛，上到半空時就相當興奮，見到都開心。美慧又話：「我哋嘅關係好好嘅，佢係我partner，（囡囡有冇一齊出海？）佢都有，佢已經識喺海度游水，同埋好鍾意喺沙灘玩。」

想Share正片？Email過嚟：

bunfun@on.cc