港姐：郭柏妍上圍最細唔覺輸蝕　麥詩晴瘦到見胸骨

《2020香港小姐競選》候選佳麗以三點式泳裝見傳媒，當中晉身十強的大熱佳麗郭柏妍與麥詩晴可封為「凌波仙子」，身材欠睇頭。

郭柏妍三圍是32、22、33，上圍是佳麗中最細，她指過往去沙灘多數穿一件頭泳衣，三點式只穿過一、兩次，故以三點式見傳媒心情相當緊張。問到可覺得穿泳裝身材輸蝕？她說：「都唔會，每個人有唔同嘅體態美，自己嘅身形就均勻啲。（羨慕廖慧儀豐滿身材？）冇話羨唔羨慕嘅，佢有佢散發嘅魅力。」

三圍33.5、23、34的麥詩晴鋼條身形，瘦到見胸骨，更有腹肌，她說：「自己上網睇片自學練習，同埋注意飲食。（着泳裝輸蝕？）唔會，自己鍾意有腹肌多啲，每個人都有唔同嘅體態美。」