謝嘉怡蘇格蘭索媽終於曝光　兩母女一樣咁靚

今屆港姐冠軍謝嘉怡（Lisa）當選後成為熱話，佢54歲嘅爸爸Peter喺阿女參選期間陪伴在側，一副「不老的傳說」嘅樣貌，更指同Lisa似兄妹多過似父女！

咁究竟Lisa媽媽去哪兒？原來現時Lisa媽媽身在蘇格蘭，今日更係Lisa媽媽生日，雖然母女分隔兩地，但Lisa好有心，即喺社交網發文祝媽媽生日快樂，仲上載年幼時一家三口合照，見Lisa同媽媽一樣咁靚女，而爸爸則咁多年來都冇咩變過，Lisa以英文留言：「媽媽，生日快樂！好多謝咁多年你一直支持我，好開心有你呢個良師、榜樣同埋好朋友。今年係第一年我哋分開過生日，我承諾你返嚟香港我哋再慶祝。」