離巢？效力無綫27年！吳家樂：要作出重要決定

藝人吳家樂今日喺社交網發文：「27年了，對自己來說，現在真的需要作出一個重要決定。這幾個月來重複問了自己很多的問題。我總不相信『忠忠直直終須乞食』，我身邊還有很多錫我嘅人。還感謝無論我作出任何決定，我嘅家人都全力支持。我心中的『火』從來沒有熄滅。」據悉，佢即將與效力多年嘅無綫約滿，相信呢個Post意味佢要做出一個審慎重大決定，好友陳山聰亦有留言打氣：「加油兄弟。」東網聯絡上吳家樂，佢表示：「我合約仲未完，只不過喺工作上嘅模式可能會有啲轉變。我知道圈內圈外都有好多人錫我，有決定我再通知大家啦，謝謝你。」

吳家樂為無綫效力27年，主力做主持工作，曾主持長壽節目《今日VIP》，也曾參與多套劇集包括《城寨英雄》、《包青天再起風雲》、《法證先鋒IV》等，一直默默耕耘。

----------------------------------------

「繽FUN星網」誠招各類有趣短片！

家有可愛貓狗，想同更多嘅人分享？

有橋有料，素人想一片成名？

立即寄片嚟： bunfun@on.cc