泳兒與髮型師男友拍拖9年：結婚唔係最重要

歌手泳兒（Vincy）近日接受香港開電視節目訪問，泳兒被問到與髮型師男友Ziv拍拖9年，可有結婚打算，Vincy笑說：「呢個問題近年好多人問我，對婚姻順其自然，尤其係今年疫情，好多嘢都係未知數，我覺得只要彼此相愛，結唔結婚並唔係最重要嘅事。」

Vincy透露近期亦有被家人催婚，她笑說：「兩邊屋企人都有催，特別係今年，唔知點解。不過，換轉我企喺長輩角度睇，我都會催佢，所以都諒解嘅，家人都直接問『有冇諗過結婚呀？』不過屋企人都畀自由我哋，唔會有時間表。」

講到新歌《溝渠暢泳》MV，Vincy與男主角大跳貼身舞時，男友亦有監場 她笑說：「佢唔係監場，佢係監督我啲頭髮，哈哈！佢喺度唔會唔自然，反而會更加做好啲，工作同感情要盡量分開啲，佢最關心我有冇走光，佢好明白我作為藝人嘅工作，畀我好大自由度。」