網上流傳《全民造星III》10強名單　大熱統統被Foul

ViuTV節目《全民造星III》依家比賽進行到一半，去到30強爭入20強階段，當中有唔少人已經儲落大批粉絲，不過近日網上卻爆出「10強名單」，大熱之一嘅Timo、Manson及顧定軒等全部被Foul，反而未見突出嘅CY卻榜上有名，即被網民質疑名單可信性。

網上流傳嘅「10強名單」入圍者包括出道歌手葉巧琳（Mischa）、李靜蓮（Alina）、前As One成員陳葦璇、雲浩影（Cloud）和趙祥誠（Ben），以及B組的鍾諾言（NY）、陳毅燊（AnsonBean）、黃劍文（Kimman）、陳澤言（CY）和劉瑞祈（K Lau）。

名單曝光後被不少網民質疑可信性，被指為監製黃慧君（花姐）新寵嘅江宏基（Timo）、導師林二汶及彭秀慧力爭嘅張進翹（Manson）及知名度最高嘅顧定軒均唔上榜，相反節目中被指「遊魂」嘅CY卻離奇進入10強，更有網友指CY曾在社交網暗示自己成功入圍。

昨日花姐出席活動時表示自己都唔記得10強名單係乜：「其實傳嘅有真有假，不過想保留少少神秘感。」花姐續表示本月26日決賽現場唔會有現場觀眾，台上嘅人全部都要進行檢測。

另外，Waiwai身體一直都有問題，更因未有時間休養而愈來愈差，最終她頭暈倒要坐白車送院，情況就連導師彭秀慧都非常擔心，而昨晚一集她被淘汰，隊員自責更向她說對不起，但她竟然是最冷靜的一位，更不斷安慰其他隊員，其他隊員忍不住擁着她而喊。B Team連輸兩局，導演彭秀慧亦有安慰她們，她更叮囑Waiwai謂：「你要管好自己身體，做Body Check，搞好身體先可以打呢場仗，我唔想見到你咁樣，再捱個樣，呢單嘢唔係講笑！」