張兆輝憑《黃金有罪》角逐視帝：疫情過去開心過攞獎

藝人張兆輝在劇集《黃金有罪》中飾演大反派「榮木桐」一角，演技超班的他將角色亦正亦邪一面演繹得淋漓盡致，與過往多演大好人的他有很大反差，演出令觀眾眼前一亮，同時更憑《黃》劇成功入圍今屆《萬千星輝賀台慶頒獎禮》，角逐「最佳男主角」獎項，令選情更趨白熱化。對於成功入圍，他表示：「我對自己《黃金有罪》榮木桐呢個角色充滿信心、演繹同發揮自己好滿意，獲得提名競逐已經係一個好大嘅肯定，所以係開心嘅，因為從未試過有一套劇收到咁多行內、行外人打嚟畀我，讚邊場邊場戲好。所以自己對呢個角色係非常有滿足感嘅。」

睇好對手劉丹及苗僑偉

問到有否信心得獎，他表示：「疫情快啲過，開心過攞獎，哈哈。但也多謝投我一票的每一位觀眾。」他亦表示其他對手同樣表現出色，更看好劉丹（丹爺）有機會奪獎，表示：「我特別睇好丹爺啦，做咗咁多年，肯定有資格做視帝啦。另一個就係三哥（苗僑偉），我好朋友吖嘛。而《全職沒女》入面做我個仔個張振朗，都有潛質嘅。」