【艷照流出】林凱恩上載劇照慚愧：我自己闖嘅禍！

憑處境劇《愛．回家之開心速遞》演乖乖女Bonnie成功上位嘅林凱恩，被爆流出性感艷照，事後佢承認係相中人，指當時同成班女仔開派對，貪玩影呢啲相，又坦言當時唔見咗電話，故好愕然冇諗過照片會喺網上流出。

對此佢喺社交網發文，上載尋日《愛．回家》嘅劇照，並付上對白「我自己闖嘅禍，我自己解決」嚟自嘲：「現實中嘅我成日闖禍，以後會好好睇住自己嘅財物，冇咩事我都係返屋企食咗本道德經。#要大家擔心好對唔住」