台妹出美人計冧客簽約　高炒低胸相被瘋傳

為咗可以傾得成生意，出動美人計去冧客，就梗係事半功倍啦！台灣模特兒張瑜（Tako）身兼汽車業務員，佢喺社交網晒咗張着住低胸裝，同客人簽約買車嘅相，睇到擁有豐滿上圍嘅佢，大晒驕人雙峰，好認真咁望住客人簽約。估唔到呢張高炒低胸相，突然喺網上瘋傳，有網民搞笑問係咪「賣車頭燈？」、「看到女神，簽啦」，搞到Tako都好驚喜！

樣子甜美嘅Tako平時仲會擔任網絡主播，佢從來都唔會收埋身材，不時喺社交網晒火辣性感相，盡騷Big爆Body同螞蟻腰派福利，吸咗超過19萬粉絲，人氣真係有番咁下上㗎！