自爆123磅！尹蓁晞唔敢瘦落去：怕咪咪縮水

藝人尹蓁晞（Yumi）與形象指導許嘉浩（Karl）出席飾活動，近年期甚少露面的Yumi表示因疫情關係多留在家中專心養生，並有意考取健身教練牌。問到收入是否大受影響？她坦言：「咁又未至於零收入，都有朋友搵我拍吓嘢。」之前受甲狀腺問題困擾的她稱身體好了不少，經常跑步及在家中做運動，又會控制卡路里吸收，見她身形比之前清減不少，她說：「我比起最肥嘅時候瘦咗17磅，但當然同入行時比係有少少唔同，因為我當年唔係靠運動減肥，肌肉係比脂肪重。依家重56kg（約123.7磅），以我嘅身高係差唔多，如果再瘦我怕我個身材會縮水，因為個胸始終係脂肪，依家暫時冇縮。」

至於Karl透露正籌備2條網上頻道，其中一條頻道會與伍詠薇打頭陣直播帶貨：「佢係第一次帶貨，主要係賣年宵產品，我仲會搵好多唔同網紅做直播。」