香港估估吓：油麻地果欄有幾耐歷史？

臨近新年，好多人都會去油麻地果欄買水果，但近日又傳出政府會玩「突擊」，弄得人心惶惶。其實這個過百年歷史的果欄，別看好似霉霉舊舊，其實是有價值的歷史建築，大家又知唔知它幾時興建呢？

答案是1913年，足足過百年，逾一世紀。果欄最初用草棚搭建，後來由多幢1至2層高的磚石製建築物組成，它的前身是九龍區一個墟市，不但賣水果，還有蔬菜和家禽等，猶如一個巨型的市場。待長沙灣蔬菜批發市場和臨時家禽批發市場啟用後，才集中變成賣水果。

超過200個攤檔的果欄，每晚凌晨是水果批發、競投和交易等最活躍的時段，1990年被評為三級歷史建築，到2009年成為二級歷史建築。以往果欄專做批發生意，不過後來於早上和午間時分也有零售吸引客人，大家去選購水果猶如尋寶一樣，要考自己眼光。農曆新年將至，有需要不妨去揀靚水果過年。