李亞鵬帶女友住自家酒店　巡視業務似足女主人

天后王菲前夫、現年49歲嘅李亞鵬今個農曆新年未有返家鄉新疆，反而陪細19歲模特兒女友海哈金喜返對方家鄉四川，仲影咗輯情侶寫真放閃，被網民揣測今趟係咪提親之旅。

有網友影到二人現身李亞鵬位於昆明自家開嘅酒店，兩人同樣着上黑色情侶裝，默契十足。現場有多名工作人員同行，海哈金喜同佢哋非常熟稔，期間有傾有偈，疑似陪李亞鵬巡視業務，似足女主人一樣，睇嚟已經完全融入男方生活！