激戰鍾培生！林作一句話辣㷫舊愛　麥明詩隔空鬧爆

一向愛抽水博出位嘅林作同有百億富三代之稱嘅鍾培生成為城中熱話，鍾培生向林作下戰書搏擊擂台戰，今日下午林作終於喺社交網正式宣布應戰，其中講咗一句「Let’s go. No puxxy.」牽涉女性生殖器官字眼。

貼文一出，即引來舊愛麥明詩不滿，喺社交網發文用英文鬧爆佢歧視女性：「你哋兩個打還打，唔好再發表性別歧視言論。男性生殖器官不比女性生殖器官強。當你嘅母親生育並撫養你時，佢比你哋兩個擁有更大嘅勇氣同力量，停止將女性跟弱勢及怯懦劃上等號。」