HK$33有100GB　儲值卡原來可以咁抵玩

政府早前就宣布1年內引入電話SIM卡實名登記制度，雖然暫時未知實行詳情，但就即時令儲值卡市場再度出現搶購潮！事實上，不少用家都正在使用儲值卡，皆因性價比比上台月費高得多，今次就為大家盤點3款熱賣的儲值卡。

第1款是3香港與超級市場合作推出的SoSIM，定價只是HK$33，除了預設的50GB數據量，現在更有開卡獎賞，令到可用數據量有100GB以上，加上買卡、增值都非常方便，絕對值得一試！

另外，中國移動香港推出的鴨聊佳系列一向深受用家歡迎，因為時限長達1年，而且提供高容量數據，包括50GB、70GB等，而售價僅約HK$100，用作後備卡就最好不過。最後推介Lucky Sim最近推出$150、3年有效期的月費計劃，每年成本只是HK$50，亦可於指定海外地區接收SMS。想以超低成本保留電話號碼的朋友，就一定要留意。