陳自瑤練定氣玩馬拉松　劉穎鏇出術唔想跑？

藝人陳自瑤（YoYo）和劉穎鏇為無綫熱播劇《大步走》造勢，受訪時講到眾人都十分關注YoYo是否會以三點式迎30點收視，她即道出「真相」：「係陳山聰上次話我宣傳着得好密實，仲成日叫我着三點式！三點式唔係求其着，所以我先話有30點先着，點知佢就幫我大肆宣傳。」然後又反叫記者幫手嗌山聰着泳褲示人，惟聞對方因自稱Uncle拒絕陪跑，YoYo抵死笑話：「唔緊要！依家啲妹妹鍾意叔叔！」至於問到劉穎鏇可會落場陪YoYo？她婉拒笑說：「我會帶部好靚嘅相機幫佢影相。」不過2人均表示若新劇收視好，都會再諗Gimmick回饋觀眾。

YoYo表示難得今次可以有部以跑步為題材的劇集，從中帶出正能量訊息，又笑話剛才先得悉有份參與線上馬拉松活動，屆時會陪同入圍跑手一齊跑步，故她說要再努力練跑，劉穎鏇亦有同感，因自爆拍完《大》後就再冇去跑步，更搞笑話：「或者到時我坐喺架車到，等啲跑手拉住我跑。」