父子檔上陣！區瑞強與阿仔開騷　當返屋企

歌手區瑞強（Albert）將於6月21及22日於尖沙咀文化中心舉行《區瑞強我家您再重聚演唱會2021》，嘉賓方面則是「自己人」，兒子區昕進（Adrian）與妹妺區桂芬上陣，一家人齊齊「回家」，到他的成長地文化中心，用靚聲唱盡金曲。

Albert父子檔上陣，兒子身兼演唱及監製之重任，他說：「疫情下我做咗8場網上演唱會，全部都係細仔負責監製、製作，最尾一場咁啱係佢30歲生日，佢唱咗隻英文歌，點知放上網反應仲勁過我好多，3日已經有50幾萬點擊，可能啲人好奇區瑞強個仔究竟唱成點。」

與兒子冇代溝

與兒子感情要好的Albert，既沒有代溝，也未有拗撬：「大家一定有唔同意見，唔會用老竇身份去壓佢，等佢試咗先，行唔通佢就會有所領悟。」可希望兒子繼承唱歌衣鉢？他說：「我從來唔會同佢安排，佢想做呢行我唔會反對，不過，亦都冇問佢係咪想入行。」