黃嘉雯做海關　日日似去飲

前港姐冠軍黃嘉雯早前拍攝無綫劇集《把關者們》飾演海關Madam，戲中卻不需要以制服Look示人，反而經常打扮得花姿招展，她笑說：「今次飾演一個好貪靚嘅Madam，全程都係着住型格嘅西裝，其中一套仲係紅色好搶眼，加上戴住好多飾物，畀人笑我日日着到去飲咁。」

有型有款並非毫無代價，拍攝時天氣開始熱，西裝褸之內還襯樽領毛衣，拍到汗流浹背，表情卻若無其事，認真考忍耐力。而選美出身的她雖然穿慣高踭鞋，但拍劇要長時間着上也有點攰，幸劇組貼心地為她準備了拖鞋。