完成3星期增肌計劃！連詩雅晒腹肌照　解禁食炸雞

藝人連詩雅有一雙靚長腿，身形已經非常苗條，甚至乎帶有骨感嘅佢，成日將減肥掛喺口邊，有時網友睇到佢啲骨感泳照都覺得真係太瘦喇！不過佢仍然未肯收手，最近佢就用3個星期嚟增肌減脂，務求令到身形更完美。佢喺社交網上載新相大晒增肌成果，見到腹肌非常明顯，佢仲話完成任務後決定大解放去食雪糕同炸雞：「這3個幾禮拜淨係不停食蛋白質，少量嘅澱粉（差不多冇）嘗試最短嘅時間來減脂增長肌肉，坦白講我要瘦唔係咁難，只要地獄式做運動，同食少啲就可以，但係要瘦嘅同時要增長肌肉係一件對我來講好難嘅事，雖然效果唔係100分，但總算對自己有個交代，依家要獎勵自己食大餐！雪糕炸雞唔該。」