被李克勤爆撻着！文凱婷孫漢霖冇落閘互笠高帽

「星夢」學員文凱婷及孫漢霖為無綫東奧主題曲《奪金》拍攝MV，早前2人被「奶爸」李克勤於訪問途中踢爆撻着，而今日（4日）現身時記者要求他們合照，身旁其他學員即時起哄。2人澄清「戀情」是一場美麗的誤會，問到為何克勤有此說法，文凱婷說：「咁你要問番佢。」孫漢霖則指可能大家是同隊，加上年紀相若，話題比較多才引起誤會。

但問到2人有否發展機會，他們卻未有落閘，文凱婷竟笑笑口唱容祖兒的金曲《未知》其中一句歌詞：「未知，尚未示意」來回應，後來知唱錯歌才急忙補充：「係尚未見到有可能性，作為朋友大家都相處得好舒服。佢係好男仔，但係唔係好男友，就要問番佢嘅前度。」孫漢霖同樣讚文凱婷「好女仔」，未有即時「封後門」，而2人亦表示目前單身中。

另外，文凱婷有機會殺入7月19日的總決賽，已遭淘汰的孫漢霖表示到時會現身，為所有比賽學員打氣，當然包括緋聞女友。文凱婷則謂：「雖然有啲人已離開咗比賽，但冇拋低我哋唔理。」有深信比賽完結後大家的友情會繼續，相約得閒食飯。