【陳煒晒合照】 1米85馬德鐘勁紳士　蹲低遷就3位靚女

藝人陳煒近日與馬德鐘、湯洛雯等趕拍TVB新劇《雙生陌生人》，陳煒不時上載拍攝時嘅花絮照及同其他演員嘅合照，最近佢就上載同馬德鐘、湯洛雯、楊卓娜和徐榮拍外景照片，不過重點唔係喺陳煒度，而係喺馬德鐘身上，相片由徐榮揸機自拍，身高1米85嘅馬德鐘為咗遷就其餘3位靚女，自動自覺微微蹲低，雙手放喺膝蓋上，網民大讚馬德鐘非常紳士，而成個畫面就好似馬德鐘都係3位靚女其中一個閨蜜咁，非常搞笑！