曹永廉大讚周嘉洛JW正能量又捱得：係好演員！

藝人曹永廉現時正忙於為無綫古裝劇集《痞子殿下》拍攝，現時天氣炎熱，劇中演員每天又要穿着多層古裝厚衣拍攝，可謂苦不堪言、認真攞命，幸而他們全劇「老、中、青」演員都合作得相當開心，日前朱敏瀚生日，大家還送上蛋糕為他慶生，真係好Warm呀！

曹永廉於劇中飾演JW的爸爸，故二人甚多合作場口，阿廉謂：「好辛苦，太熱，我哋都要拍到8月幾，最辛苦係周嘉洛、陳瀅、朱敏瀚同JW，套劇好多大場面，之前拍咗啲打戲，之後都仲要繼續打，會好甘！」阿廉大讚周嘉洛、陳瀅、JW及朱敏瀚四個後生仔有「正能量」兼捱得，平時又會照顧長輩，是一班很好的演員。