【Law界女神聚首】麥明詩朱千雪唔做敵人變知己

同係港姐出身嘅麥明詩（Louisa）同朱千雪，一個冠軍一個季軍，仲先後出走無綫踩入法律界，命途極之相似，齊齊做Law霸！雖然同行如敵國，但佢哋感情好好，Louisa為日前生日嘅千雪BB慶祝生日，兩人一黑一白襯到絕，仲好感觸咁話致在人迹罕少嘅路上小伙伴生日快樂！而另一邊廂，千雪都話大多數人唔了解佢哋呢條路，但冇關係，因為自己知自己為咩而戰！網民都留言激讚「Law界女神」、「如果你哋同屆，可能係雙冠軍?」、「真港姐x2?」、「美麗與智慧的見證❤️❤️❤️」！