重現食雪糕經典畫面　周秀娜12年後改食雪條！

天氣熱辣辣，食啲凍嘢就最醒神！性感女神周秀娜喺社交網上載新相，見佢食雪條消暑，非常識歎！佢留言：「夏天消消暑。」呢張咁簡單嘅相，勾起唔少網友回憶，唔少人話諗番起佢12年前嘅寫真《Kissy Chrissie Saipan》，當中一張食雪糕嘅相，引起唔少網友嘅遐想！有人留言：「娜姐，又食雪糕喇！」、「雪糕都唔夠你甜。」

仲有人搞笑提醒佢記得刷牙，咁咪又要重現娜姐經典刷牙畫面？雖然周秀娜依家轉行密實，性感相欠奉，但相隔12年，佢個靚樣仲係Keep得住，同以前一樣咁省鏡呀！