身體樣樣好！陸詩韻自爆只衰唔夠鈣

藝人陸詩韻出席活動，她表示自己向來有留意健康資訊，及會定期做身體檢查，身體好健康，唯獨是不夠鈣質，她說：「可能我鍾意飲齋啡，依家要落番少少奶，要補鈣，因為發覺行路時，膝頭開始有啪啪聲。」她指以前媽咪經常煲湯，但怕飲完第二日水腫，浪費了媽咪心血，現在才知道媽咪的靚湯重要。提到工作，現在多做網上直播，電影若有角色適合亦會接，她說：「日數係問題，如果要拍2個月，好長時間未必得，10幾日就OK，因為要兼顧其他工作，自己唔介意長期客串，冇咁大壓力，之前做舞台劇非常之好玩，（唔想做主角？）唔係唔想，有得玩就好。」