MJ@Mr.做埋紋身師　禁客人做呢樣嘢！

樂隊Mr.結他手MJ（譚傑明）最近做埋紋身師，問到較喜歡音樂還是紋身？他想了一會兒表示：「音樂永遠喺我心中都有取締唔到嘅地位，但係，只限於聽，同做音樂係兩回事，做音樂太複雜，牽涉嘅嘢太多，要對DJ、宣傳人員、fans，搞咁多嘢先可以有一個騷，雖然我覺得值得，但要經歷咁多嘢就會好辛苦，所以依家呢刻會選擇紋身，人生第一次可以掌握到自己。」

他又笑言幫客人紋身時，禁止播Mr.的歌：「播嚟做咩啫，我都聽咗咁耐，我錄音時已經聽咗100次，所以之前出碟我都唔會聽番。紋身時我會同客人傾音樂，我覺得好正，又會紋啲音樂嘅圖案，可以crossover音樂同紋身。」那問到如果拍拖可會紋女友的名在身上？他笑言：「名就真係唔好，可以搵啲嘢代表。」