19年前扮花！Anson Lo派心手勢掀挑戰熱潮

人氣男團MIRROR成員Anson Lo係圈中出名嘅花美男，一舉一動都惹人關注。佢就喺社交網Post對比圖，一張係佢19年前嘅童年照，只見相中嘅佢戴上黑超，再做出扮花嘅手勢，非常可愛；另一張係佢近日所拍嘅相，自創「心心」手勢，因為手勢非常複雜，唔係人人都可以做到，佢留言：「19年前～『樹葉』手勢，19年後～『心心』手勢，哪一個較好？#請選擇 #同時請無視19年後頭上的一個小髮夾 #今天設計了好多不同的心心手勢 #下次岀活動要來一個樹葉手勢嗎？」

Anson Lo一出Post，隨即引來神徒（粉絲）模仿，Anson Lo就將收到嘅圖片放到限時動態，又話︰「你們的心心challenge圖有很多，我未能盡錄，但全部都十分可愛～盡了力的感覺哈哈，期待你們post後tag我讓我看吧～#辛苦手指了！」