單身唔會一支公　趙麗穎生日獲李冰冰暖心慶生

內地花旦趙麗穎今日（16日）係佢34歲生日，今年仲係佢離婚後第一個單身生日，早前佢就Mark實關智斌同丁子峻「一拖二」咁預祝生日，到咗正日，佢就將自己獻畀最Close嘅好姊妹李冰冰喇！雖然48歲嘅李冰冰同佢係「忘年交」，不過二人感情好到不得了，今年2月李冰冰生日時，趙麗穎就為佢打造超甜夢幻P，今次到老友生日，李冰冰都送咗個童心繽紛P畀趙麗穎，仲偷雞晒出對方靚相，留言：「生日快樂親愛的。熱熱鬧鬧 快快樂樂 開開心心 愛你每一天噻。」令網友都好羨慕佢哋深厚嘅感情。