林峯忙開工　張馨月單拖做Gym晒馬甲線

藝人林峯最近憑內地劇集《星辰大海》令人氣再升，工作忙過不停，令愛妻張馨月連日來都形單隻影，單拖湊女、野餐、做運動等，久未享受二人世界。呢日佢再單拖出動去做Gym，佢喺社交網大晒多張健身靚相，見以短版上衣上陣嘅佢騷出纖腰，仲有明顯嘅腹肌線條，身材弗到爆。佢先主力大做核心肌群訓練運動，然後再轉玩舉重，密密操練，好身材絕對得來不易。不過有網民就指其小腿幼到似火柴一拗就斷，直指佢太瘦：「太瘦了，應該吃胖一點。」