1晚被奪4個第1次︱黃嘉雯獲封可愛版許秋怡

前港姐冠軍黃嘉雯（Carmaney）於上星期6（11日）《歡樂滿東華》入面獻唱《現代愛情故事》，收獲網友好評，佢今日（14日）於社交網上載多張靚相與當日獻唱的照片，留言話一日內經歷了4個「第一次」：「第一次係電視舞台上唱歌、第一次參與 歡樂滿東華2021、第一次玩卡拉之星、第一次有譚永浩傍住我、舞台表演Live實在太好玩啦、最喜歡係現場個種臨場Jam出嚟嘅氣氛、希望大家喜歡呢首#現代愛情故事。」

當晚佢同譚永浩合唱《現代愛情故事》，呢首歌原唱者係張智霖、許秋怡，時至今日仍然有好多人翻唱，今次Carmaney嘅版本獲網友大讚「唱得唔錯，起碼冇走音先吖」，仲封佢做可愛版許秋怡。