陶大宇效應　「萬能Key」馬德鐘抽水神模仿

藝人陶大宇憑一曲《倒轉地球》唱紅「宇宙」，引起全城爭相模仿，就連有「萬能Key」之稱嘅「馬神」馬德鐘都玩埋一份，拍片「抽水」！近日佢為宣傳有份主演嘅劇集《飛虎之壯志英雄》，翻唱主題曲《兩個自己》，但演唱時就沿用陶大宇嘅「宇宙級」唱腔，再加埋「水撥式」台風，不停揮手兼拍手，最後當然唔少得最有代表性嘅一聲「噓」聲，完全捉摸到大宇嘅神髓，但又冇「抽到乾」照抄翻唱《倒轉地球》，搞笑得嚟又有創意。