阿Sa扮網紅「閉眼式」唱歌　容祖兒阿嬌笑爆嘴

組合Twins成員蔡卓妍（阿Sa）係歌手出身，唱歌當然難佢唔到，但係要模仿人哋唱歌，就肯定有難度，不過曾多次被提名角逐影后寶座嘅佢，演技毋庸置疑，呢次佢模仿自己一個好鍾意嘅內地網紅戀小薇唱歌，佢除咗模仿對方唱歌嘅神髓外，連對方嘅招牌動作「閉眼式」唱歌表情都扮得到，連個慘爆樣都扮到勁似，真係犀利！

佢唱完一首都未夠喉，仲繼續唱多首，愈扮愈投入，喜感十足，搞到身邊嘅天后容祖兒，同鍾欣潼（阿嬌）都笑爆嘴呀！唔少網民都大讚阿Sa好可愛，絕對係「模仿高手」，但係就網民就嫌阿Sa未夠火喉，認為戀小薇嘅「唱功」係冇人可以模仿到㗎，唔知你又點睇呢？