捲王力宏離婚粉絲照撐　Yumi做乜被鬧冇本心？

女團BY2成員Yumi疑捲入王力宏婚內出軌事件，繼而引發出BY2工作室、閨蜜、家姐Miko開咪大戰李靚蕾及Yumi吞藥自殺入院等風波，雖然是非多多兼形象插水，不過仍然有一班粉絲及好友對兩女不離不棄，繼續力撐偶像！

據台媒指，早前BY2現身上海機場，有身在台灣嘅好友及粉絲越洋撐BY2，由於太心痛女神被攻擊，曾透過「中間人」透過訊息、電話轉達關心之意，誓估唔到兩姐妹對此「已讀不回」，徹底斷絕聯絡，事發至今近一個月都冇消息，更冇報平安，搞到一班由初出道就支持佢哋嘅粉絲破口大罵，埋怨二人思考欠周全且唔成熟，就算粉絲表達關心，BY2都毫無回應，令佢哋心淡放話：「以後再也不想過問她們的事了！」