求婚一周年︱麥秋成晒蜜照放閃　湯怡冧爆講：我愛你

麥秋成與湯怡拍拖僅半年就宣布奉女成婚，去年6月誕下愛女「麥QQ」，湯怡不時分享全家溫馨合照大晒幸福，原來昨日（19日）係兩人求婚一周年紀念日，求婚日都要慶祝一番，麥秋成果然係好老公，麥秋成喺社交網貼出多張當日求婚的照片放閃，相中湯怡穿上一身黃色露肩短裙，手執一束大玫瑰花，相當搶眼；背景佈置便是：「Will You Marry Me 」，場面浪漫溫馨。麥秋成寫道：「一年前的這個時候 She said：『Yes』 #thankyou #愛在蜜園」 湯怡即冧爆留言回覆：「I Love You MakChauShing. （我愛你麥秋成）」，認真甜到漏。