黃心穎連續兩日蒲頭！送別二家姐眼泛淚光

前港姐亞軍黃心穎2019年爆出偷食人夫許志安後形象跌至谷低，演藝事業一鋪清袋，自此行蹤低調，至昨日（23日）33歲生日，才罕有喺社交網甫出同家人共度生日嘅新相，見佢明顯比昔日清減。其實黃心穎嘅二家姐黃心妙婚後定居澳門，近日不惜隔離特意回港探望親朋好友兼陪妹妹慶生，心穎生日一過，心妙就立即起行返回澳門，而心穎同大家姐黃心美都有前往送機，見心穎同心妙眼泛淚光，心美更加忍唔住落淚，3姊妹不捨之情令人動容。心妙表示：「20天的歡笑，今日依依不捨的淚水，希望下次再見唔需要再等兩年。想你們啦，血濃於水，期待下一次再聚，14天隔離換來20天的相聚是值得的。」