承認做老竇1周年　華晨宇拖情侶裝新女上樓短敍

內地小天生華晨宇去年1月承認同內地女歌手張碧晨秘密生B，二人暪孕一事震撼網絡，更令張碧晨疑被列入劣迹藝人List，亦有傳二人分手後為BB復合，兩人關係至今都係一個謎。估唔到已為人父嘅華晨宇，一年後就有新戀情傳出！佢近日被目擊開住靚車接一名神秘女子返屋企，早前自己公開染上一頭金髮嘅佢，一出巡即相當顯眼，緊接神秘女子先落車，佢一落車就立刻戴帽，兩人除咗都係同款髮色，又着上同款式外套，佢仲拖住女仔隻手走入大樓，不過兩人全程冇講嘢、交流，直接上樓短敍。