黃子韜宋祖兒新劇威到去非洲　網友：真係有人睇？

內地富二代小生黃子韜依家致力拓展演藝王國，除咗大搞出品公司自己揸Fit外，估唔到佢真係言出必行，早前佢同當紮小花宋祖兒主演的新劇《才不要和老闆談愛》，剛剛3月先開播，估唔到新劇已經立刻賣埠，有消息指《才》已經定檔於5月11日起喺非洲ST Sino戲劇台播出，譯名為《Legally Romance》。今次揚威海外，即令網友不禁質疑非洲市場到底啱唔啱內地劇發展，仲話今次新劇開拓新Market，最想睇兩位主角配音後到底係講英文定係當地語言，講唔定真係會吸引到大批非洲粉絲，令二人更加國際化。