羅詠怡第一次晒Bra　男友操刀無尷尬

節目《#後生仔傾吓偈》前主持羅詠怡（Kosa）離開無綫大台後，轉營做KOL，有好多新嘗試，試過做活動的主持，其中做直播活動司儀時，令她再嘗主持執生滋味，獲益良多。近日Kosa再試新嘢，首次接拍內衣廣告，大晒有料身材，她笑稱從未想過可以拍內衣廣告，因以前身材較圓潤，但最近憑健身和打拳，終於可以晒腰，她說：「真係Fit咗，有信心可以拍，雖然第一次影內衣，但一啲都唔緊張，事關係男朋友負責操刀，令我好安全、好放心，一啲尷尬都冇，反而因為要打開窗採自然光，影樓對面係商廈，打開玻璃好似對面會睇到，就有啲尷尬。」另外，她跟幾位朋友夾份投資飲食生意，在逆市下開新Cafe，初時感到好大壓力，近日社交距離放寬，開始愈做愈好，儲到一班熟客，她說：「好開心，當日開幕好多幕前朋友都有來支持，好似草蜢和微辣藝人，希望之後會愈來愈好。」