粉絲山旮旯應援　Edan孖羅家英做忘年好友

組合MIRROR成員Edan近日忙於拍攝新戲，受天雨影響，台前幕後要到「山旮旯咁遠」取景，不過粉絲相當有心，特意用偶像戲中造型印在應援飲品上，山長水遠送給劇組打氣，氹得工作人員開心不已。

另外，Edan與羅家英年前合作節目《臺灣文西Only You》後成為忘年之交，日前他於社交網上載合照，留言讚羅家英親切兼玩得：「我成日冇大冇細，佢又唔介意，同我嘅關係就好似朋友咁，乜都玩一餐，勁開心。嗰次之後我哋冇機會再合作，但令我哋保持聯絡嘅嘢就係『長輩圖』，家英哥周不時會傳圖同我講早晨。」